Drikkevatnet går gjennom fleire prosessar før det kjem ut i kranen hos abonnentane. Frå Årsetvatnet går vatnet i leidning til kraftstasjonen og vidare til vassbehandlingsanlegget i Ramstaddalen. Der går det gjennom ein sil for å fjerne partiklar før det går vidare til UV-behandling i to parallelle UV-anlegg. Vatnet blir tilsett noko som heiter vannglass for å auke pH-verdien på vatnet før det går ut i vassleidningsnettet og til slutt endar opp hos abonnentane.

For å sikre forsyning av vatn ved leidningsbrot er det eit høgdebasseng i Vikedalen og eit på Lyshol. 

Langs sørsida av fjorden og i Velledalen er det private vassverk.