Ikkje kast avfall i do - vis dovett!

Det er kun bæsj, tiss og dopapir som skal i do! Alt anna skaper store problem for røyrsystemet!
Matrestar, olje og feitt er enkelt å kaste i do, men då inviterer du kanskje rotter og andre skadedyr heim til deg. Våtserviettar, q-tips, bind og anna søppel gir også trøbbel.

Vi opplever dessverre ein del problem med tett avløp i Sykkylven. Det er særleg klutar av ulike slag som tettar avløpet. Vi ber derfor alle om å ikkje kaste våtserviettar i do!

- Slikt søppel skapar jamnleg problem på avløpsnettet ved å tette avløpsrøra og sette seg fast i pumpestasjonane, slik at desse ikkje fungerar. Dette fører igjen til overløp frå kommunalt nett, slik at ureinsa avløp kjem ut i fjorden. Søppelet kan også føre til tilbakeslag opp gjennom sluken til private bustadar.