Skriv ut denne sidaFeiing
FeiingFeietenestene vert utført av Sykkylven kommune og spørsmål til sjølve feietenestene rettast til kommunen. Sykkylven Energi står for innkrevjing av årsgebyr og spørsmål knytt til fakturering rettast hit. Innkrevjing av feiegebyr skjer ved fakturering av 2. termin saman med andre eigedomsgebyr og forfell til betaling 20.september. Forskrifter og gebyrsatsar.
Sentrale forskrifter seier at feiing skal utførast minimum kvart fjerde år. Kommunen har vedteke at feiing skal utførast kvart andre år, medan tilsyn med fyringsanlegg skal utførast kvart fjerde år.
Bygda er delt inn i to soner der feiing vert utført annakvart år. Skilje går mellom Tynes og Tandstad, der Tynes – Ørsnes – Ramstaddal er ei sone og Tandstad – Velledalen – Hundeidvik er den andre sona. Førstnemnte sone skal ha feiing i 2011.
Brannvernet har tidlegare utført lovpålagd feiing av skorsteinar. Dette skal utvidast til også å omfatte tilsyn med fyringsanlegget (pipe og eldstad/omn).
Følgjande punkt vil vere sentrale ved tilsyn med fyringsanlegg:
• eldstad og brannmur
• pipe og sot/feieluker
• tilkomst for feiing
• slokkeutstyr og røykvarslar
• rømingsvegar
Alle huseigarar vert informert direkte om tidspunkt for feiing og tilsyn.